Kim Çen In ölkədə raket istehsalını artırmaq üçün tapşırıqlar verib

Koreya Xalq Demokratik Respublikası (KXDR) lideri Kim Çen In ölkənin əsas hərbi zavodlarına baş çəkib və raket istehsalının kəskin artırılması üçün tapşırıq verib.

“Report” xəbər verir ki, bu barədə Koreya Mərkəzi Xəbər Agentliyi məlumat yayıb.

Kim Çen In həmçinin bildirib ki, KXDR ordusu əzici hərbi gücə malik olmalı və istənilən vaxt istənilən müharibəyə cavab verməyi qarşısına məqsəd qoymalıdır.