​KİV: "İŞİD İraqda 80 nəfəri edam edib"

Bakı. 10 yanvar. REPORT.AZ/ İŞİD ("İraq-Şam İslam Dövləti") terror qruplaşmasının üzvləri İraqın Mosul əyalətində 80 nəfəri edam ediblər.

"Report" Rusiya mətbuatına istinadən xəbər verir ki, anonim mənbənin məlumatına görə, edam Qəzlani hərbi bazasında güllələnməni icra edən batalyon tərəfindən həyata keçirilib.

Edam qurbanları polis və ordu vasitəsi ilə Bağdadda yerləşən mərkəzi hökumət ilə əməkdaşlıq və ona casusluqda ittiham olunublar. Digərləri isə radikal yaraqlıların ideologiyasına qarşı çıxan şəxslər olub.