İsrail iranlıları silah istehsalı sahələrinə yaxın əraziləri tərk etməyə çağırıb

İsrail Müdafiə Qüvvələri İranda silah fabrikləri və ya anbarlarının yaxınlığında yaşayan iranlıları evlərini tərk etməyə çağırıb.

"Report"un EFE-yə istinadən verdiyi xəbərə görə, bu barədə İsrail ordusunun nümayəndəsi Aviçai Adrai məlumat verib.

"Təhlükəsizliyiniz üçün sizdən bu əraziləri dərhal tərk etmənizi və növbəti bildiriş gələnə qədər geri qayıtmamanızı xahiş edirik", - məlumatda bildirilib.

Bundan əvvəl CNN məlumatlı mənbələrə istinadən xəbər vermişdi ki, İsrailin İrana qarşı hərbi əməliyyatı bir neçə həftə davam edəcək.