İspaniya sahillərində 5,5 maqnitudalı zəlzələ olub

İspaniya sahillərində 5,5 maqnitudalı zəlzələ qeydə alınıb.

“Report” xarici KİV-lərə istinadən xəbər verir ki, bunu Milli Coğrafiya İnstitutunun məlumatları sübut edir.

Blidirilib ki, yeraltı təkanların episentri Aralıq dənizində krallığın cənub-şərqində yerləşən Palos burnunda, zəlzələ ocağı isə təxminən 2 km dərinlikdə yerləşib.

KİV-lərin məlumatına görə, təkanlar Mursiya və Andalusiya muxtar icmalarının müxtəlif yaşayış məntəqələrində hiss edilib. Xəsarət alanlar və ya dağıntılar barədə məlumat yoxdur.