​İspaniyada qocalar evində yanğın baş verib, 8 nəfər ölüb

Bakı. 12 İyul. REPORT.AZ/ Şənbə gününə keçən gecə İspaniyanın Saraqosa şəhərindəki qocalar evində yanğın baş verib. Hadisə nəticəsində ən azı 8 nəfər həlak olub.

"Report" TASS-a istinadən xəbər verir ki, polisin məlumatına görə, insanların ölümünə dəm qazından zəhərlənmə səbəb olub.

Yanğın nəticəsində daha 11 nəfər xəstəxanaya yerləşdirilib.

Hadisə baş verən zaman binada 19 nəfər olub.