Yuxarı
    Bağlamaq

    İŞİD liderinin keçmiş həyat yoldaşı Avropada yaşamaq istəyini bildirib

    Saca ad-Duleymi: Mən ərəb yox, Avropa ölkələrinin birində yaşamaq istəyirəm

    Bakı. 1 aprel. REPORT.AZ/ İŞİD terror qruplaşmasının lideri Əbu Bəkr əl-Bağdadinin keçmiş həyat yoldaşı Saca ad-Duleymi qızı ilə birgə Avropaya köçmək istədiyini deyib.

    "Report" CNN-ə istinadən xəbər verir ki, o, bu barədə İsveç telekanalı "Expressen TV"yə müsahibəsində bildirib.

    "Mən ərəb yox, Avropa ölkələrinin birində yaşamaq istəyirəm. Uşaqlarımın sağlam yaşayıb, təhsil almalarını istəyirəm. Hətta ana terrorçu əl-Bağdadinin arvadı olubsa belə, bunda uşaqların nə günahı var?", - deyə 28 yaşlı qadın vurğulayıb.

    O, əl-Bağdadi ilə ayrıldığını və terrorizmlə heç bir əlaqəsinin olmadığını söyləyib: "Biz boşanmışıq. Mən ondan ayrıldım, o məndən yox".

    Saca ad-Duleymi cəmi üç ay əl-Bağdadi ilə evli olub, amma o, terrorçunun ən məşhur arvadlarından biri hesab olunur. Hətta terrorçular arasındakı təsir qüvvəsinə görə ona Xəlifessa ləqəbi də verilmişdi. Üzünü hicabla gizlətməyən xanım bütün dünya qadınlarını İŞİD-ə qoşulmağa çağırırdı.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi