Bakı. 6 sentyabr. REPORT.AZ/ İki min qaçqının olduğu üç qatar bazar günü Macarıstandan Münhen vağzalına gəlib.
"Report" xəbər verir ki, bu barədə federal polisin məlumatında bildirilir.
Gələnlərin əksəriyyəti Bavariyanın paytaxtında qalmayıb və digər qatarlara miniblər. Min nəfəri daşıyan xüsusi qatar Dortmund, digəri isə Braunşveyq istiqamətində yola düşüb.