Husilər Tel-Əviv yaxınlığındakı hərbi obyektin məhv edildiyini iddia ediblər

“Ənsar Allah” üsyançı hərəkatından olan yəmənli husilər İsrailin Təl-Əviv bölgəsindəki hərbi obyektini PUA ilə məhv ediblər.

"Report"un məlumatına görə, bu barədə husilərin nümayəndəsi Yəhya Saria "Al Masirah" televiziya kanalının efirində bildirib.

"Yəmən silahlı qüvvələri işğal olunmuş Yaffa bölgəsində (Tel-Əviv - red.) İsrail hərbi obyektinin pilotsuz uçuş aparatı vasitəsilə məhv edilməsi əməliyyatını həyata keçirib", - deyə hərəkatın nümayəndəsi bildirib.

Onun sözlərinə görə, Yəmənin hərbi dəniz və hərbi hava qüvvələri Qırmızı dənizdə ABŞ-nin iki esminesini hədəf alan birgə əməliyyat keçiriblər. Hücumlar üçün bir neçə qanadlı raket və pilotsuz uçuş aparatından istifadə edilib.