Husilər Britaniyanın daha bir tankerini raketlə vurub

Yəməndə husilərin “Ənsar Allah” hərəkatı Qırmızı dənizdə Böyük Britaniyanın neft tankerinə raket zərbəsi endirib.

“Report” TASS-a istinadən xəbər verir ki, bu barədə hərəkatın hərbi nümayəndəsi Yəhya Səriya bildirib.

“Yəmən donanması Qırmızı dənizdə Britaniya neft tankeri “Pollux”a qarşı əməliyyat keçirib və ona çox sayda gəmi əleyhinə raketlə hücum edib. Zərbələr birbaşa və dəqiq olub”, - o qeyd edib.

Xatırladaq ki, daha əvvəl də husilər Qırmızı dənizdə Böyük Britaniya məxsus bir neçə tankeri vurub.