Husilər ABŞ-nin aviadaşıyıcılarına zərbələr endiriblər

Yəmənin “Ənsar Allah” üsyançı hərəkatının husiləri ABŞ-nin “Harry Truman” və “Carl Vinson” aviadaşıyıcılarına, eləcə də onları müşayiət edən gəmilərə zərbələr endirib.

“Report” xəbər verir ki, bu barədə açıqlama üsyançıların yaratdığı silahlı qüvvələrin nümayəndəsi Yəhya Sariyanın teleqram kanalında yayılıb.

"Raket Qüvvələri, pilotsuz təyyarələrdən məsul olan bölmələr və dəniz qüvvələri ABŞ-nin təyyarə daşıyıcıları “Harry Truman”, “Carl Vinson”, onları Qırmızı və Ərəb dənizlərində müşayiət edən gəmilərə qarşı iki hərbi əməliyyat keçirərək qanadlı raketlər və dronlar tətbiq etdilər", - açıqlamada bildirilir.