Helsinkidə kişi bıçaqla insanlara xəsarət yetirib

Bakı. 3 mart. REPORT.AZ/ Finlandiyanın paytaxtı Helsinki şəhərində naməlum şəxs bıçaqla Uşaqların Müdafiəsi Xidmətinin ziyarətçilərinə hücum edib.

“Report” xəbər verir ki, bu barədə şəhər polisinə istinadən RİA "Novosti" məlumat yayıb.

Nəticədə iki böyük və bir uşaq xəsarət alıb.

Hadisənin digər uşaqların gözü önündə baş verdiyi bildirilir.

Polis hücum edən kişinin şəxsiyyətini müəyyən edib, hazırda o, axtarılır.