Fransadakı AES-in inzibati binasında baş verən yanğın söndürülüb

Fransanın İser departamentində fəaliyyət göstərən “Sent-Alban” atom elektrik stansiyasının (AES) inzibati binasında baş verən yanğın söndürülüb.

“Report” xəbər verir ki, bu barədə BFM TV yerli yanğınsöndürmə xidmətinə istinadən məlumat yayıb.

Yanğın nüvə zonasından kənarda, yəni inzibati binanın ofislərindən birində baş verib.

Xatırladaq ki, fevral ayında Fransanın mərkəzindəki “Şinon” atom elektrik stansiyasında da yanğın baş vermişdi.