Fransada yanğının söndürülməsi zamanı 2 yanğınsöndürən ölüb

Fransanın Merinyak şəhərində yanğının söndürülməsində iştirak edən 2 yanğınsöndürən ölüb.

"Report" Fransa mediasına istinadən xəbər verir ki, bu barədə ölkənin daxili işlər naziri Loran Nunyes ölkənin Milli Assambleyasında çıxışı zamanı bildirib.

"İndicə Jironda prefekti mənə Merinyak şəhərində binadakı yanğını söndürərkən iki yanğınsöndürənin həlak olması barədə məlumat verdi", - o, təfərrüatları açıqlamadan deyib.

Hava limanının yaxınlığında baş verən yanğının söndürülməsinə 2 təyyarə cəlb edilib.

Şəhər meriyasından bildirilib ki, 6-dan 8 hektaradək ərazi yanıb. Lakin hazırda yaşayış evləri üçün heç bir təhlükə yoxdur.