Fransada kənd təssərrüfatı işçiləri etiraz aksiyası keçirirlər

Fransada kənd təssərrüfatı işçiləri etiraz aksiyası keçirirlər. 

"Report"un Fransa bürosu xəbər verir ki, hazırda minə yaxın traktor ölkənin müxtəlif bölgələrindən paytaxt istiqamətinə hərəkət edir.

Parisin Yelisey çöllərinin bir hissəsinə gediş-gəlişi bağlamağa nail olan aksiya iştirakçıları ölkə prezidenti ilə görüş tələb edirlər. Aksiyalar paytaxtdan başqa, ölkənin digər şəhərlərində də başlayır.

Etirazların səbəbi kənd təssərrüfatı məhsullarının qiymətinin aşağı olmasıdır. 

Aksiya iştirakçıları hökuməti "azad ticarət"in yerli məhsullara vurduğu külli miqdarda ziyana qarşı tədbir görməyə çağırırlar.

Aksiyalara on minlərlə kənd təsərrüfatı işçisinin qatılacağı gözlənilir.