Fransa Ukraynaya “Mirage” qırıcıları verə bilər

Fransa “Mirage 2000” qırıcılarının Ukraynaya verilməsini nəzərdən keçirir və Polşada ukraynalı pilotların təliminə başlaya bilər.

“Report” UNİAN-a istinadən xəbər verir ki, bu barədə BMFTV məlumat yayıb.

Məlumata görə, bu məlumatı ölkənin müdafiə naziri Sebastyan Lekornyu da təsdiqləyib. O, Kiyevlə danışıqların getdiyini etiraf edib, lakin nə qırıcıların verilməsini, nə də uçuş heyətinə təlim keçiriləcəyini təsdiq edib.

Nazirin sözlərinə görə, 2022-ci ilin yayında istismardan çıxarılaraq anbarda saxlanılan 12 qırıcının Ukraynaya verilməsi məsələsi müzakirə edilir.

O qeyd edib ki, təyyarələrin verilməsi ilə bağlı çətinliklər maddi-texniki təchizat, təlim və onlara texniki qulluq imkanları ilə bağlıdır.