Fransa müstəmləkəçiliyindən əziyyət çəkən adaların siyasi partiyalarının Bakıda Birinci qurultayı keçirilir

Qvadelupanın Azadlığı naminə Xalq Birliyinin təşkilatçılığı və Bakı Təşəbbüs Qrupunun (BTQ) dəstəyi ilə Fransa müstəmləkəçiliyindən əziyyət çəkən Korsika, Melaneziya, Polineziya, Karib və Antil adaları qrupundan olan 15-dən çox siyasi partiya və müstəqillik hərəkatlarının rəhbər şəxslərinin iştirakı ilə Bakıda birinci qurultay keçirilir.

“Report” xəbər verir ki, qurultayın keçirilməsi ideyası Fransanın dənizaşırı ərazilərinin müstəqilliyi uğrunda mübarizə aparan siyasi partiya və hərəkatlarına məxsusdur.

Niderlandın müstəmləkəsi olan Bonayre və Sen-Martin adalarından üç təşkilat Qurultayda fəxri qonaq qismində iştirak edir.

Qeyd edək ki, qurultay 2 gün davam edəcək.

FOTO: Ehtiram Cəbi