Bakı. 21 noyabr. REPORT.AZ/ Səudiyyə Ərəbistanının başçılıq etdiyi Ərəb koalisiyasının nümayəndəsi Əhməd Asiri Yəməndə atəşkəsin başa çatdığını elan edib.
"Report" RİA "Novosti"yə istinadən xəbər verir ki, o, atəşkəsin uzadılmayacağını bildirib.
"Atəşkəs şəraitinin uzadılması şərtlərinin yerinə yetirilməməsi Yəməndə atəşkəsin başa çatması deməkdir", - deyə Ə.Asiri "Əl-Cəzirə" telekanalına açıqlamasında deyib.
Qeyd edək ki, Yəmən münaqişəsində 48 saatlıq atəşkəs noyabrın 19-da Ərəb koalisiyası tərəfindən elan olunub.