Cozef Bayden “G7”, Aİ və NATO liderləri ilə Ukraynaya dəstək məsələsini müzakirə edəcək

ABŞ Prezidenti Cozef Bayden sentyabrın 8-də “G7”, Avropa İttifaqı və NATO-ya üzv dövlətlərin liderləri ilə videokonfrans keçirəcək.

“Report” xəbər verir ki, məlumatı “Bloomberg” nəşri yayıb.

Bildirilib ki, videokonfransda Ukraynaya dəstəklə bağlı atılacaq növbəti addımların müzakirə olunacağı gözlənilir.

Xatırladaq ki, Cozef Bayden bir müddət əvvəl Böyük Britaniyanın Baş naziri Liz Trasla telefon danışığında Rusiya, Çin və İrandan yayılan təhlükəni müzakirə edib.