Çində fabrikdə baş verən partlayış nəticəsində 9 nəfər həlak olub, 26 nəfər yaralanıb

Mərkəzi Çinin Hunan əyalətində pirotexnika fabrikində baş verən partlayış nəticəsində ölənlərin sayı doqquz nəfərə, yaralananların sayı isə 26 nəfərə çatıb.

“Report” xəbər verir ki, bu barədə “Xinhua” agentliyi məlumat yayıb.

Hazırda intensiv axtarış-xilasetmə əməliyyatı aparılır və hadisənin səbəblərini araşdırmaq üçün qrup yaradılıb.

Bildirilib ki, partlayış bazar ertəsi səhər saat 8:23 radələrində Hunan əyalətində baş verib.