​Çində anbarda yanğın zamanı 17 nəfər həlak olub

Bakı. 6 fevral. REPORT.AZ/ Çinin cənubunda yerləşən Quandu əyalətində baş verən yanğın nəticəsində ən azı 17 nəfər həlak olub.

"Report" "Sinxua" agentliyinə istinadən xəbər verir ki, yanğın cümə axşamı, günün birinci yarısında qeydə alınıb.

Yerli hakimiyyət orqanlarının məlumatına görə, yanğın topdan satış mallar bazarında yerləşən anbarın dördüncü mərtəbəsində baş verib.

Yanğının söndürülməsinə altı saatdan çox vaxt sərf olunub.

Hadisənin başvermə səbəbləri araşdırılır.