Cənubi Koreyada müxalifət namizədi prezident seçkilərində dəstəyə görə seçicilərə təşəkkür edib

Koreya Respublikasının aparıcı müxalifət partiyasının namizədi Li Ce Myon ölkədə keçirilən prezident seçkilərində göstərdikləri dəstəyə görə seçicilərə təşəkkür edib.

“Report” xəbər verir ki, bu barədə “Yonhap” agentliyi məlumat yayıb.

Qeyd edək ki, Cənubi Koreya Mərkəzi Seçki Komissiyasının məlumatına görə, o, bülletenlərin 50 %-nin seçilməsindən sonra liderdir.

“Tendensiya davam edərsə, xalqın qərarına hörmətlə yanaşacağam. Hələ nəsə demək tezdir, səslərin hesablanması davam edir”, - siyasətçi söyləyib.

Üç aparıcı telekanal analitik modellərin proqnozlarına əsasən onun qələbəsini proqnozlaşdırır.

“İnsanların ümidlərini, mənə həvalə olunmuş məsuliyyəti və missiyanı doğrultmaq üçün əlimdən gələni edəcəyəm. Təşəkkür edirəm”, - Li Ce Myon bildirib.