Britaniyada koronavirusa yoluxma sayında yeni rekord qeydə alınıb

Böyük Britaniyada sutka ərzində koronavirusa rekord sayda yoluxma halı qeydə alınıb.

"Report" "İnterfaks"a istinadən xəbər verir ki, bu barədə Səhiyyə Nazirliyinin məlumatında deyilir.

Belə ki, gün ərzində yoluxma sayı 93 045 nəfər təşkil edir.

Dekabrın 16-da 88 376, dekabrın 15-də isə 78 610 yeni yoluxma halı qeydə alınıb.

Gün ərzində 111 nəfər virusdan dünyasını dəyişib.

Böyük Britaniyada pandemiya ərzində 11 milyondan çox yoluxma aşkar edilib, 147 048 nəfər ölüb.