Britaniya etirazlara qarşı qanunları sərtləşdirir

Böyük Britaniyada etirazlar əleyhinə yeni qanunlar qüvvəyə minib.

"Report" xəbər verir ki, bu barədə BBC məlumat yayıb.

Sərtləşdirmələr ilk növbədə magistral yolları və şəhərin mərkəzi küçələrini bağlayan ekoloji fəallara yönəlib.

Yeni səlahiyyətlər İngiltərə və Uelsdəki hüquq-mühafizə orqanlarının əməkdaşlarına oturaq aksiyaya üstünlük verən nümayişçiləri zorla yoldan çıxarmağa icazə verir. Bundan əlavə, Londonu ölkənin şimal hissəsi ilə birləşdirməli olan HS2 yüksəksürətli dəmir yolunun tikintisinə qarşı çıxan ekoloji qruplar tərəfindən etiraz forması kimi müvəqqəti tunellərin çəkilməsinə qarşı cəzalar sərtləşdirilir. İndi bu cür aksiyaların iştirakçılarını 3 ilə qədər həbs gözləyir.