Bolqarıstanda yük maşını qəzaya uğrayıb: - 1 ölü, 7 yaralı

Bakı. 5 sentyabr. REPORT.AZ/ Bolqarıstanda yük avtomobili yaşayış binasına çırpılıb.

"Report" xəbər verir ki, bu barədə BTV telekanalı məlumat yayıb.

Məlumata görə, hadisə Lom şəhərində baş verib. Qəza zamanı 1 nəfər ölüb, 7 nəfər xəsarət alıb.

Hadisəyə səbəb 60 yaşlı sürücünün avtomobilə idarəetməni itirməsi olub. 

Polis qəzanın başvermə səbəblərini araşdırır.