Birləşmiş Ərəb Əmirliklərinin yeni Prezidenti seçilib

Birləşmiş Ərəb Əmirliklərinin (BƏƏ) yeni Prezidenti seçilib.

“Report” xəbər verir ki, bu barədə yerli KİV məlumat yayıb.

Bildirilib ki, seçki BƏƏ Federal Ali Şurasının iclasında keçirilib. Şuranın qərarına əsasən, Əbu-Dabi Əmirliyinin vəliəhdi, BƏƏ Silahlı Qüvvələrinin Ali Baş Komandanının müavini Şeyx Məhəmməd bin Zayed Al Nəhyan ölkənin yeni Prezidenti seçilib.

O, 1961-ci ildə anadan olub.

Qeyd edək ki, BƏƏ Prezidenti Xəlifə bin Zayed Al Nəhyan mayın 13-də vəfat edib. O, uzun sürən xəstəlikdən sonra 73 yaşında dünyasını dəyişib.