Bayden prezident seçkilərində geri çəkilməsindən danışıb

ABŞ Prezidenti Cozef Bayden ölkə əhalisinə müraciətində seçki yarışından geri çəkilməsini estafeti gənc nəslə ötürmək niyyəti ilə izah edib.

"Report" xəbər verir ki, bu barədə Ağ Evin yaydığı açıqlamada deyilir.

"Ən yaxşısı məşəli gənc nəslə ötürmək idi, mən də buna qərar verdim. Bu, ölkəni birləşdirməyin ən yaxşı yoludur", - Baydenin müraciətində deyilir.

O prezident kimi səlahiyyət müddətinin bitməsinə bir neçə ay qalmış diqqətini iqtisadiyyat və insan hüquqlarının müdafiəsi ilə bağlı məsələlərə yönəltmək niyyətində olduğuna diqqət çəkib.