Bayden kaset sursatlarının Ukraynaya verilməsi qərarının səbəbini açıqlayıb

ABŞ Prezidenti Cozef Bayden kaset sursatlarının Ukraynaya təhvil verilməsi qərarının ölkədə adi mərmilərin tükənməsi səbəbindən verildiyini bildirib.

“Report” xəbər verir ki, o, bu barədə CNN telekanalına müsahibəsində bildirib.

Bayden qeyd edib ki, Ukraynadakı münaqişə sursatdan asılıdır. Onun sözlərinə görə, Ukraynada bunlar tükənmək üzrədi, ABŞ-da da onların sayı az idi:

“Ona görə də mən Müdafiə Nazirliyinin tövsiyəsini qəbul etdim ki, biz 155 mm-dən çox sursat istehsal edənə qədər bu cür mərmiləri daimi tədbir kimi deyil, keçid dövrü üçün Ukraynaya təhvil versinlər. Bu çətin qərar idi”.