Banqkokdakı "pub"da baş verən yanğında ölənlərin sayı 30-a çatıb, 76 nəfər yaralanıb

Banqkokun şimalındakı "pub"da baş verən güclü yanğın nəticəsində ölənlərin sayı 30-a, yaralıların sayı isə 76-ya çatıb.

"Report" xəbər verir ki, bu barədə "Khaosod" portalı məlumat yayıb.

Məlumata görə, hazırda 27 qurbanın kimliyi müəyyən edilib, 25 nəfər ağır xəsarət alıb.

İlkin versiyaya görə, yanğın elektrik lövhəsindəki qısaqapanmadan sonra baş verib.

Şahidlər bildiriblər ki, yanğın başladıqdan sonra partlayış səsi eşidilib, məkanı isə alov bürüyüb.