Avstriyanın keçmiş kansleri yalan ifadəyə görə 8 aylıq şərti cəzaya məhkum edilib

Vyana Regional Cinayət Məhkəməsi Avstriyanın keçmiş kansleri Sebastian Kurtsu yalan şahidlik etdiyinə görə səkkiz aylıq şərti cəzaya məhkum edib.

“Report” bu barədə TASS-a istinadən xəbər verir.

"Sebastyan Kurts təqsirkardır", - hakim Maykl Radastiç deyib. O, keçmiş kansleri parlament komitəsində yalan ifadə verdiyinə görə səkkiz aylıq şərti həbs cəzasına məhkum edib.

Kurts öz etibarlı adamı Tomas Şmidi “OeBAG” dövlət investisiya holdinqinin direktorlar şurasına təyin etmək ittihamından bəraət alıb.