Almaniyada atışma olub, ölənlər var

Almaniyanın cənub-qərbindəki Bad-Fridrixsxall (Federal Baden-Vürtemberq əyaləti) şəhərində maşınqayırma şirkətinin binasında naməlum cinayətkar atəş açaraq iki nəfəri öldürüb, daha bir nəfəri ağır yaralayıb.

“Report” xəbər verir ki, bu barədə DPA agentliyi məlumat yayıb.

Məlumata görə, hücumçu gizlənib. Polis “X” sosial şəbəkəsində bildirib ki, hazırda cinayətkarı tutmaq üçün əməliyyat aparılır.

İlkin məlumata görə, maskalı şəxs Bakı vaxtı ilə saat 20:45 radələrində firmanın binasına daxil olub və atəş açmağa başlayıb. Hüquq-mühafizə orqanlarının məlumatına görə, əhali üçün təhlükə yoxdur. Əməliyyatda helikopter iştirak edir.

Qeyd edək ki, Bad-Fridrixsxallın 20 minə yaxın sakini var.