​Almaniya Ukraynaya 500 milyon avro kredit ayırıb

"Report" xəbər verir ki, bu barədə Ukrayna hökumətinin rəsmi saytında məlumat verilib.

Sənəd Ukrayna baş naziri Arsen Yaçenyuk ilə Almaniyanın iqtisadiyyat və energetika naziri Ziqmar Qabriel arasında Berlində baş tutan görüş zamanı imzalanıb.

"Prioritetlər arasında Ukraynanın şərq vilayətlərində infrastrukturun bərpası da var", - deyə məlumatda bildirilir.

Kreditin çox aşağı faiz dərəcəsi ilə 20 il müddətinə verildiyi bildirilir.