Albaniyanın Baş naziri: Avropa öz resurslarına arxalanaraq gücünü bərpa edə bilər

Avropa öz resursları hesabına keçmiş gücünü qaytarmaq üçün lazımi imkanlara malikdir.

“Report”un Albaniyaya ezam olunmuş əməkdaşının məlumatına görə, bunu Albaniyanın Baş naziri Edi Rama “Avropa Siyasi Birliyi”nin sammitinin plenar iclasında çıxışı zamanı bildirib.

Onun sözlərinə görə, Avropa öz resurslarına arxalanaraq keçmiş gücünü bərpa edə bilər.

"Söhbət qayıdış və dirçəlişdən gedir. Biz evə qayıtmalıyıq - gələcək haqqında xəyallarla dolu, keçmişin miflərindən azad olan evə", - E.Rama vurğulayıb.

Onun sözlərinə görə, təhlükəsiz və dayanıqlı Avropanı yalnız müdafiəyə investisiya yatırmaqla deyil, ilk növbədə, öz düşüncə tərzimizi və dünyagörüşümüzü yenidən qiymətləndirməklə qurmaq olar.