Ursula fon der Lyayen növbəti müddətə Avropa Komissiyasının rəhbəri olacaq

Avropa İttifaqı (Aİ) ölkələrinin dövlət və hökumət başçıları Ursula fon der Lyayenin ikinci müddətə Avropa Komissiyasının rəhbəri vəzifəsinə namizədliyinin irəli sürülməsi barədə razılığa gəliblər.

"Report" xəbər verir ki, bu barədə Almaniyanın DPA agentliyi məlumat yayıb.

Bununla yanaşı, agentlik qeyd edib ki, Aİ-nin xarici işlər və təhlükəsizlik siyasəti üzrə ali nümayəndəsi postuna Estoniyanın Baş naziri Kayu Kallasın namizədliyinin irəli sürülməsi qərara alınıb.