Ağ Ev ABŞ-ın Kiyevdəki səfirliyində amerikalı əsgərlərin olduğunu təsdiqləyib

“ABŞ hərbçiləri bu ölkənin Ukraynadakı səfirliyinin ərazisindədir”.

“Report”un məlumatına görə, bunu Ağ Evin Milli Təhlükəsizlik Şurasının sözçüsü Con Kirbi bəyan edib.

Kirbi sözügedən hərbçilərin döyüş meydanında vuruşmadığını və ABŞ prezidenti Cozef Baydenin Amerika əsgərlərinin Ukraynada döyüşməyəcəyinə dair mövqeyinin dəyişmədiyini bildirib.

“Təfərrüatlar və ya əsgərlərin sayı barədə danışmayacağam. Səfirlikdə kiçik bir ABŞ hərbi bölməsi var. Onlar səfirliyə təhkim edilib”.