ABŞ rəsmisi: İranda zənginləşdirilmiş uranın saxlandığı yerlərə zərbələr endirilib

ABŞ-nin İranın Natanz, Fordo və İsfahan şəhərlərinə endirdiyi zərbələr orada yerləşən nüvə obyektlərini tamamilə məhv edib və zənginləşdirilmiş uranın saxlandığı yerlərə düşüb.

“Report”un məlumatına görə, bu barədə bazar ertəsi Ağ Evin nümayəndəsi Kerolayn Levitt bildirib.

"Bəli, biz əminik ki, İranın nüvə obyektləri tamamilə məhv edilib. Bizdə zərbələrin İranın zənginləşdirilmiş uranı saxladığı yerlərə düşdüyünə dair yüksək əminlik var", - o, ABC telekanalına bildirib.

KLevitt qeyd edib ki, ABŞ Prezidenti Donald Tramp zənginləşdirilmiş uranın məhz orada saxlandığına əmin olmasaydı, bu zərbələr barədə əmr verməzdi.

Onun sözlərinə görə, həm Ağ Ev, həm də İsrail əməliyyatın uğurlu olması qənaətindədir.