Qəzzada müzakirəyə ehtiyac olmayacaq atəşkəs təklif edilə bilər

İsrail onunla HƏMAS arasında aparılan danışıqlarda vasitəçi olan ölkələrin - ABŞ, Qətər və Misirin tezliklə düzəlişlərin edilə bilməyəcəyi bir atəşkəs razılaşması təklif edəcəyinə hazırlaşır.

“Report” “İnterfaks”a istinadən xəbər verir ki, bu barədə Knessetin Xarici işlər və təhlükəsizlik komitəsinin sədri Yoel Edelşteyn bildirib.

“Düşünürəm ki, sonda ABŞ Prezidenti Cozef Baydenin Misir və Qətərlə birlikdə təklif edəcəyi ultimatum xarakterli saziş layihəsini əldə edəcəyik. O zaman biz qərar verməliyik, çünki razılaşma artıq müzakirə mövzusu olmayacaq”, - Y.Edelşteyn bildirib.