ABŞ-nin Texas ştatında güclü zəlzələ baş verib

ABŞ-nin Texas ştatında 5,1 maqnitudalı zəlzələ qeydə alınıb.

"Report" xəbər verir ki, bu barədə ABŞ Geoloji Xidməti məlumat yayıb.

Bildirilir ki, yeraltı təkanların episentri təxminən 142 min əhalisi olan Midlend şəhərindən 30 km şimalda yerləşib. Zəlzələnin ocağının dərinliyi 8,2 km təşkil edib.

Zərərçəkənlər barədə məlumat daxil olmayıb.