ABŞ KXDR-i raket sınaqlarını dayandırmağa və dialoqu bərpa etməyə çağırıb

ABŞ-ın KXDR üzrə xüsusi nümayəndəsi Sunq Kim rəsmi Pxenyanı raket sınaqlarını dayandırmağa çağırıb.

"Report" xəbər verir ki, bu barədə "Associated Press" məlumat yayıb.

Məlumata görə, Sunq Kim Seul rəsmiləri ilə danışıqlardan sonra deyib: "Biz KXDR-dən vəziyyəti pozan təxribatları və digər hərəkətləri dayandırmağa çağırırıq. Əksinə, dialoqa başlamalıyıq".

Diplomat xatırladıb ki, ABŞ KXDR ilə belə bir dialoqa hazırdır və heç bir şərt qoymur.

Qeyd edək ki, KXDR son aylar ballistik raket sınaqlarının sayını artırıb, bu, bir çox ölkələrdə narahatlığa səbəb olub.