ABŞ İraq və Suriyaya zərbələri zamanı 85 hədəfdən 84-nü məhv edib

ABŞ İraq və Suriyaya endirdiyi zərbələr zamanı 85 hədəfdən 84-nü vurub.

"Report"un məlumatına görə, bu barədə bazar günü CNN Pentaqonun ilkin təhlilinə istinadən məlumat yayıb.

Telekanalın məlumatına görə, 84 hədəf “məhv edilib və ya funksional zədələnib”.

Xatırladaq ki, bundan əvvəl ABŞ silahlı qüvvələri İraqda və Suriyada Sepah və onunla əlaqəli silahlıların Amerika qoşunlarına hücum etmək üçün istifadə etdiyi obyektlərə zərbələr endirmişdi.