ABŞ-da iki təyyarədə bomba həyəcanı yaşanıb

BAKI. 25 yanvar. REPORT.AZ/ Terror aktları hədələrinə cavab olaraq ABŞ-da iki sərnişin təyyarəsi Atlantanın Hartsfild hava limanında təcili eniş etməli olub. 

"Report" Azadlıq radiosuna istinadən xəbər verir ki, amerikalı rəsmilər Delta və Southwest Airlines şirkətlərinə məxsus təyyarələrə qarşı səslənən bomba xəbərdarlığını kifayət qədər ciddi qiymətləndiriblər.

Bildirilir ki, Delta Flight təyyarəsi Oreqon ştatının Portland, Southwest Airlines Flight təyyarəsi isə Viskonsin ştatının Mulvok şəhərinə səfər ediblər. Hər iki təyyarənin sərnişinləri təhlükəsiz yerə aparılıb. Təyyarələrin hava limanına enişindən sonra FTB qrupları bomba bomba axtarış aparıb.

Hadisə haqda əlavə məlumat verilmir.