ABŞ-da atışma nəticəsində iki nəfər ölüb, beş nəfər yaralanıb

ABŞ-ın Kentukki ştatının Luisvil şəhərində restoranın yaxınlığında baş verən atışma nəticəsində 2 nəfər ölüb, 5 nəfər yaralanıb.

“Report” bu barədə CNN-ə istinadən xəbər verir.

Məlumata görə, atışma şəhərin mərkəzində, Üçüncü küçədə yerləşən “Southern Restaurant & Lounge” yaxınlığında olub.

Yaralılardan biri hadisə yerində dünyasını dəyişib. Onlardan daha biri aparıldığı xəstəxanada ölüb.

Polis hadisəni törədən şəxsi axtarır.