ABŞ Çinin Rusiyaya qarşı sanskiyalara qoşulmasını istəyir

Çin Qərbin Rusiyaya qarşı tətbiq etdiyi ixrac məhdudiyyətlərinə əməl etməlidir.

“Report” xəbər verir ki, bunu ABŞ maliyyə nazirinin müavini Adeval Adeyemo “The Washington Post” qəzetinə müsahibəsində deyib.

Onun sözlərinə görə, ixraca nəzarət tədbirləri zaman keçdikcə Rusiyanın gücünün zəifləməsinə gətirib çıxaracaq:

“Çin onlara əməl etməli olacaq. Çin bizim təyin etdiyimiz qaydalara əməl etməlidir. Rusiyanın ehtiyac duyduğu bir sıra mallar var və Çin də bu mallar yoxdur. Məsələn, ən mürəkkəb çiplər və mən çiplərdən danışanda yarımkeçiriciləri nəzərdə tuturam. Bu gün Çində yoxdur. Onlar yalnız ABŞ-da və yalnız müttəfiqləri üçündür”.