Azərbaycanlı alim Ukraynada müsəlman qəbiristanlığında dəfn olunub

Ukraynada vəfat edən Azərbaycan diaspor nümayəndəsi, Ukrayna Elmlər Akademiyasının müxbir üzvü, görkəmli alim Nadir Əlişov dəfn olunub.

"Report" xəbər verir ki, o, bu gün yaşadığı Kiyev şəhərində yerləşən müsəlman qəbiristanlığında torpağa tapşırılıb.

Qeyd edək ki, N.Əlişov uzun sürən xəstəlikdən sonra ötən gün 72 yaşında dünyasını dəyişib.

SSRİ Nazirlər Sovetinin və N.Ostrovski adına Ukrayna Gənclər mükafatlarının laureatı olan N.Əlişov Ukraynada Azərbaycan diaspor təşkilatının qurucularından biri olub.

Nadir Əlişov