Parisdə Azərbaycan əleyhinə qətnamənin qəbuluna etiraz olaraq piket keçiriləcək

Noyabrın 28-də Parisdə Fransa Milli Assambleyasının qarşısında Azərbaycan əleyhinə qətnamənin qəbuluna etiraz olaraq piket keçiriləcək.

"Report"un xəbərinə görə, artıq sosial şəbəkələrdə bununla bağlı elan və posterlər yayılır.

Yerli vaxtla saat 13:00-a planlaşdırılan aksiyada həmin gün Fransa parlamentinin aşağı palatası olan Milli Assambleyada Azərbaycan əleyhinə qətnamə layihəsinin müzakirəyə çıxarılması ilə əlaqədardır.

Piket zamanı Azərbaycan diasporunun üzvləri Fransa Milli Assambleyasının üzvlərindən Azərbaycana ədalət tələb edəcəklər.

Qeyd edək ki, noyabrın 15-də Fransa parlamentin yuxarı Palatası olan Senat Azərbaycana qarşı sanksiyaların tətbiqinə çağıran qətnamə qəbul edib.