Rauf Arifoğlu ​AXCP fəallarını və "Azadlıq" qəzetini məhkəməyə verir

Bakı. 2 dekabr. REPORT.AZ/ "Yeni Müsavat" qəzetinin baş redaktoru Rauf Arifoğlu "Azadlıq" qəzetini məhkəməyə verir.

Bu barədə "Report"a R.Arifoğlu özü məlumat verib. O bildirib ki, məhkəməyə müraciətlə bağlı qərarı dekabrın 3-də qətiləşdirəcək: "Mənə qarşı olan təhqirlərə görə iddia ərizəsi hazırlatmışam, qəzeti məhkəməyə verəcəm. Sonra isə məni sosial şəbəkələrdə təhqir edən AXCP fəalları ilə bağlı da məhkəməyə müraciət olunacaq. Vəkilimiz də Vaqif Hüseyndir".