Xocavənd sakini: Ömrümün qalan hissəsini nəvələrimlə qayğısız yaşamaq istəyirəm

Xocavənd şəhərinə qayıdan Sabir Kərimov ömrünün qalan hissəsini nəvələri ilə firavan və qayğısız yaşamaq istəyir.

O, "Report"un Xocavəndə ezam olunan əməkdaşına açıqlamasında kədərli xatirələrlə zəngin olan yaxın keçmişə bir daha qayıtmaq istəmədiklərini deyib.

S.Kərimov yenidən Xocavəndə qayıtmağın sakinlərə böyük qürur hissi yaşatdığını vurğulayıb:

"Ədalətin bərpa olunması hamımızı sevindirib. Ermənilərin bir zamanlar Azərbaycana qarşı məkrli planlar hazırladıqları yerləri bu gün sürətlə bərpa edir, abadlaşdırırıq. Bundan böyük nə xoşbəxtlik ola bilər? Ömrümün qalan hissəsini doğma el-obada nəvələrimlə firavan və qayğısız yaşamaq istəyirəm".