Qubanın icra başçısına yeni birinci müavin təyin olunub

Quba Rayon İcra Hakimiyyətində yeni kadr təyinatı olub.

"Report"un Şimal bürosu xəbər verir ki, Tariyel Daim oğlu İbrahimov Quba Rayon İcra Hakimiyyəti başçısının birinci müavini vəzifəsinə təyin edilib.

O, bu təyinata qədər Quba Rayon İcra Hakimiyyəti başçısı Aparatının Ərazi idarəetmə və yerli özünüidarəetmə orqanları ilə iş şöbəsinin müdiri işləyib. Bu ilin oktyabrın 22-dən icra hakimiyyəti başçısının birinci müavini vəzifəsini icra edirdi.