Qubada “Söz azadlığı və cəmiyyətin informasiya təhlükəsizliyi” mövzusunda konfrans keçirilib - YENİLƏNİB

Qubada “Söz azadlığı və cəmiyyətin informasiya təhlükəsizliyi” mövzusunda konfrans keçirilib - YENİLƏNİB Baş Prokurorluq tərəfindən Quba rayonunda “Söz azadlığı və cəmiyyətin informasiya təhlükəsizliyi” mövzusunda işgüzar konfrans keçirilir.
Daxili siyasət
16 Noyabr , 2022 16:47
Qubada “Söz azadlığı və cəmiyyətin informasiya təhlükəsizliyi” mövzusunda konfrans keçirilib - YENİLƏNİB

Baş Prokurorluq tərəfindən Quba rayonunda “Söz azadlığı və cəmiyyətin informasiya təhlükəsizliyi” mövzusunda işgüzar konfrans keçirilib.

"Report"un Şimal bürosunun məlumatına görə, konfrans rayonun Heydər Əliyev Mərkəzində təşkil edilib.

Konfrans silsilə tədbirlərin davamı olaraq Quba, Qusar, Xaçmaz, Şabran, Siyəzən rayon və Sumqayıt hərbi prokurorluqlarının media ilə işləməyə məsul prokurorluq əməkdaşlarının iştirakı ilə baş tutub.

Konfransda məhkəmə, hüquq-mühafizə, digər dövlət və media qurumlarının, qeyri-hökumət təşkilatlarının, təhsil müəssisələrinin nümayəndələri iştirak ediblər.

İştirakçılar əvvəlcə ümummilli lider Heydər Əliyevin Quba şəhərinin mərkəzində ucaldılmış abidəsini ziyarət edib, önünə gül dəstələri düzüblər. Sonra konfrans iştirakçıları Heydər Əliyev Mərkəzi ilə tanış olublar.

Dövlət himni səsləndirildikdən sonra Vətən uğrunda canlarından keçmiş bütün şəhidlərin ruhu bir dəqiqəlik sükutla yad olunub, yaralılara Allahdan şəfa dilənib.

Tədbirdə açılış nitqi ilə çıxış edən Baş Prokurorluğun Daxili işlər orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəisi Natiq Abdullayev cəmiyyətin informasiya təhlükəsizliyinin təmin olunması məqsədilə prokurorluq orqanları tərəfindən həyata keçirilən kompleks tədbirlərdən söz açıb.

Konfrans zamanı çıxış edən Quba Rayon İcra Hakimiyyətinin başçısı Ziyəddin Əliyev mötəbər tədbirin Quba şəhərində təşkil edilməsindən məmnunluğunu ifadə edib.

Quba rayon prokuroru Namiq Muradov təşkil olunmuş işgüzar konfransın əhəmiyyətindən bəhs edərək media və qeyri-hökumət təşkilatları ilə kommunikasiyanın gücləndirilməsi məqsədilə görülən işlərdən danışıb.

Tədbirdə çıxış edən Baş Prokurorluğun Mətbuat xidmətinin böyük prokuroru Kənan Zeynalov prokurorluq orqanlarının media siyasətində aşkarlıq, şəffaflıq və hesabatlılıq prinsiplərini rəhbər tutduğunu, vətəndaş məmnunluğunun təmin olunması məqsədilə qurumun sosial media fəaliyyətinin gücləndirilməsi istiqamətində görülən işlərdən bəhs edib.

Tədbir zamanı, həmçinin, dövlət qurumlarının sözçüləri, o cümlədən qeyri-hökumət təşkilatlarının nümayəndələri çıxışlar edib, birgə əməkdaşlığın perpektivləri barədə təkliflər səsləndirilib.

Konfransın gedişatında iştirakçılara Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin əməkdaşı Aysel Hadiyeva "Aktual kibertəhdidlər və mühüm kibergigiyena qaydaları" mövzusunda təlim keçib.

Daha sonra dövlət qurumları ilə qeyri-hökumət təşkilatları və bölgə mediası arasında operativ və səmərəli əməkdaşlığın qurulması məqsədilə fikir mübadiləsi aparılıb.

Tədbir iştirakçıları ağır, çətin və şərəfli peşə olan prokurorluq əməkdaşının gündəlik həyat tərzindən bəhs edən “Valideynimin peşəsi” adlı qısa metrajlı filmə baxıb.

Sonda xatirə şəkli çəkdirilib.

11.14

Baş Prokurorluq tərəfindən Quba rayonunda “Söz azadlığı və cəmiyyətin informasiya təhlükəsizliyi” mövzusunda işgüzar konfrans keçirilir.

"Report"un Şimal bürosunun məlumatına görə, konfrans dövlət qurumları ilə qeyri-hökumət təşkilatları, bölgə mediası arasında operativ və səmərəli əməkdaşlığın qurulması məqsədilə təşkil edilib.

Tədbirdə məhkəmə, hüquq-mühafizə orqanlarının, o cümlədən nazirlik və komitə nümayəndələri iştirak edirlər.

Qeyd edək ki, bu formatda silsilə konfranslar bundan əvvəl Gəncə, Lənkəran, Gədəbəy, Şəki şəhərlərində baş tutub.

Son xəbərlər

Orphus sistemi