Ölkənin müxtəlif seçki məntəqələrində "exit-poll" keçirilir

Azərbaycanda növbədənkənar parlament seçkiləri ilə bağlı iki beynəlxalq, bir yerli təşkilat "exit-poll" keçirir.

"Report" xəbər verir ki, təşkilatlar ölkənin müxtəlif yerlərindəki seçki məntəqələrində fəaliyyət göstərirlər.

"Exit-poll"u Sosioloji Tədqiqatlar Mərkəzi, Vətəndaşların Əmək Hüquqlarını Müdafiə Liqası "ORACLE ADVISORY GROUP" (Amerika Birləşmiş Ştatları) ilə birgə və "Tərəqqi" Sosial Tədqiqatlar İctimai Birliyi isə SWG S.P.A Tədqiqatlar Şirkəti (İtaliya) ilə birgə keçirir.

Qeyd edək ki, parlament seçkilərində 125 deputat mandatı uğrunda 990 namizəd mübarizə aparır. Azərbaycanda seçicilərin ümumi sayı 6 milyon 421 min 960 nəfərdir. Ölkə üzrə səsvermə 125 seçki dairəsinin ərazisində formalaşdırılmış 6 min 478 seçki məntəqəsində keçirilir. Onlardan 54-ü işğaldan azad edilmiş ərazilərdə formalaşdırılıb.

Seçki məntəqələri saat 8:00-da açılıb. Səsvermə 19:00-a qədər davam edəcək.

Foto:Məhəmməd Ağayev