Nazirlik rəsmisi: “By youth for youth” Forumunun əsas məqsədi gənclərin həyat şəraitinin yaxşılaşdırılmasıdır

“By youth for youth” Forumunun əsas məqsədi gənclərin həyat şəraitinin yaxşılaşdırılması, işsizliyin azaldılmasıdır.

“Report” xəbər verir ki, bunu “By youth for youth” beynəlxalq Forumunun ikinci günündə Gənclər və İdman Nazirliyinin əməkdaşı, Azərbaycanın İSESCO üzrə sülh elçisi Şərqiyyə Həsənova jurnalistlətə açıqlamasında deyib.

O bildirib ki, iki gün ərzində həm də iqlim dəyişikliyi, yoxsulluq kimi qlobal problemlər müzakirə olunur: “Biz COP29-un aktuallığını nəzərə alaraq iqlim dəyişikliyi məsələsinə xüsusi diqqət edirik. Çalışacağıq ki, bu konfrans davamlı olsun”.

Ş. Həsənovanın sözlərinə görə, konfransın əsas özəlliyi gənclərin aparıcı qüvvə olmasıdır.